-- ADVERTISEMENT --
Gibutyag ni Senate President Vicente “Tito” Sotto III nga iyang hangyoon si Senador Ronald “Bato” dela Rosa nga ikonsidera ang dili pagkuha sa iyahang suweldo isip senador hangtod nga dili siya mo-report sa trabaho.
Tungod kay wa pa kini makita sa Senado, gikanayon ni Sotto nga iyaha kining isugyot sa senador nga nag-atubang og posibleng arrest warrant gikan sa International Criminal Court (ICC).
Hinuon giangkon ni Sotto nga padayong naglihok ang buhatan ni Dela Rosa ug nag-file na og mga balaudnon, resolusyon ug bisan paghatag og rekomendasyon sa ubang pending nga mga lakang.
Ning puntoha, si Sotto nagbutyag nga wala na siya masurprisa kon adunay mopasaka og ethics complaint batok kang Dela Rosa.
