Gipaklaro ni Senate President Chiz Escudero nga walay gihimong pagpangandam ang Senado kalabot sa impeachment complaint batok kang Bise Presidente Sara Duterte.
Sa usa ka pamahayag, gisaysay ni Escudero nga dili kini makahisgot og bisan unsa nga panghitabo hangtod nga dli pa mahitabo ang maong adlaw.
Gidugang usab sa Presidente sa Senado nga ang naunang impormasyon bahin sa giingong pagpangandam sa Senado gikan sa usa ka kawani nga gingon nga dili awtorisado sa pagbutyag sa maong impormasyon.
Subay sa mga lagda, bisan pa man og ma-adjourn ang sesyon sa Kongreso, mamahimo gihapon nga mopahigayon og impeachment trial ang Senado aron tukion ang reklamo batok sa Bise Presidente.
Diin ang unang lakang sa mga senador mao ang paghimo sa Senado isip impeachment court, diin ang mga senador maoy magsilbing impeachment judges.
