Gilimod ni Sen. Risa Hontiveros ang alegasyon ni Sen. Alan Peter Cayetano nga giingong gitabonan sa bag-ong mayorya sa Senado ang imbestigasyon sa Blue Ribbon Committee may kalabotan sa kontrobersiyal nga mga flood control projects. Gipadayag ni Sen. Hontiveros nga walay kamatuoran ang maong mga sumbong ug nagpadayon gihapon ang komite sa pag-imbestigar sa isyu subay sa ilang mandato.
Sumala pa, balik-balik nang gipatawag ni Blue Ribbon Committee Chair Sen. Erwin Tulfo ang 18 ka kanhing bodyguards ni kanhing Ako Bicol Party-list Rep. Zaldy Co aron motambong sa mga hearing sa Senado. Dugang pa niini, giingon ni Sen. Hontiveros nga hangtod karon wala gihapon motunga ang maong mga indibidwal bisan sa daghang mga imbitasyon nga gipadala sa komite. \
Lakip sa ginasusi sa Blue Ribbon Committee ang mga alegasyon nga may kalabotan sa giingong anomalya sa mga flood control projects ug uban pang mga kontrobersiya nga migawas sa publiko. Sa pagkakaron, nagpadayon ang imbestigasyon sa Senado samtang naghulat pa ang komite sa pagpakita ug paghatag og testimonya sa mga giimbitahan nga mga saksi.
