Gipunting ni political science professor Prof. Antonio Contreras ang giingong balik-balik nga paglapas ni Senator Robin Padilla sa mga lagda sa Senate Impeachment Court, ilabina sa Rule 18 o sub judice rule.
Matod pa ni Contreras, kanunay nang nalapas ni Padilla ang maong lagda sa milabay nga mga adlaw sa impeachment trial.
Gipakita sa propesor isip pananglitan ang interpellation ni Padilla niadtong Agosto 27 bahin sa paggamit sa alyas sa mga bayani ug sa mga nakadawat og confidential funds, nga iyang giingong dili angay ikumpara tungod sa lahi nilang konteksto.
Dugang pa ni Contreras, nahimo nga daw “theater of the absurd” ang pipila ka interpellation ni Padilla, nga dili na klaro kung seryoso ba ang iyang pagpangutana o gitumong na kini sa pagpakatawa taliwala sa seryosong impeachment trial.
Nanawagan si Contreras sa impeachment court nga aksyonan ang maong pamatasan ug hingpitan ang pagpatuman sa mga lagda.
Gibutyag usab niini nga kinahanglan gamiton ni Presiding Officer Sen. Chiz Escudero ang iyang awtoridad sa pagdeklarar nga out of order ang mga pahayag o lihok sa senator-judge nga dili na angay sa proseso sa korte.
Sa kasamtangan, nagpadayon ang impeachment trial samtang gipatuman ang mga lagda nga nagdumala sa maong pagtaral.
