Giingon ni Senador Ping Lacson nga nahimong pugaran na sa sindikato ang Department of Public Works and Highways (DPWH).
Matod pa sa senador, nadawat niya ang impormasyon nga nagpakita sa mala-mafia nga operasyon sa pipila ka opisyal ug engineering offices sa ahensya.
Apil niini ang maanomalyang flood control projects nga wala ma-report ngadto kang Pangulong Ferdinand Marcos Jr. Iyahang gibutyag nga daghan og “binuang” sa sulod sa DPWH, lakip ang district engineers ug Contractors Accreditation Board nga nagmaniobra sa mga proyekto.
Dugang pa, gibutyag ni Lacson nga apil sa anomalya ang mga fly-by-night contractors sama sa Darcy and Anna Builders, ug pipila ka mambabalaod nga nagpasulod og budget insertions alang sa maong proyekto.
Gipunting niya nga ang pagkahakog ang nagtulod sa korapsyon sa 2025 budget, diin mas dako ang pondo sa DPWH kaysa sa edukasyon, ug naapektuhan pa ang subsidy sa PhilHealth.
Busa, nanawagan si Lacson og hingpit nga transparency sa budget process aron matino ug mapas-an og responsibilidad ang mga nalambigit sa anomalya ug ghost projects.
