Kumpiyansa si Senate Committee on Finance Chairman Senador Win Gatchalian nga wala na’y overpriced nga mga materyales sulod sa gisugyot nga pondo sa Department of Public Works and Highways (DPWH) alang sa sunod tuig.
Sumala kang Gatchalian, giusab nila og kwenta ang gasto alang sa dul-an 10,000 ka mga proyekto nga naapektuhan sa pagpaubos sa Construction Materials Price Data (CMPD), nga nagresulta sa ₱20.7 bilyon nga madaginot sa gobyerno.
Una nang gihangyo ni Public Works Secretary Vince Dizon nga ibalik ang ₱45 bilyon nga pondo sa DPWH aron masiguro kuno ang implementasyon sa gibana-banaan nga 10,000 ka proyekto, apan gisupak kini sa pipila ka mga senador tungod sa mga isyu may kalabutan sa presyo ug gasto.
Bisan pa niini, giaprobahan gihapon ang budget sa DPWH sa bicameral conference committee eksakto ala Una Dose kagainang kaadlawon
