Miapela si Senador Ronald Bato Dela Rosa ngadto kang Pangulong Bongbong Marcos Jr. nga diin gihangyo niini si Marcos nga kung mahimo ibalik na kini sa normal nga kinabuhi ang mga kasamtangang nasinatian sa mga tao nga nahilakip sa ginatawag nga KOJC siege.
Sumala pa niini nga dili lamang siya miapela ngadto sa Presidente alang sa kaayuhan ngadto sa mga taga KOJC, apan lakip na usab sa kaayuhan ug kahapsay na usab sa kahimtang sa mga kapulisan nga anaa na destino sulod sa KOJC Compound.
Gihatagan ug pagtagad ni Dela Rosa ang kabahin sa kahimtang sa mga pulis nga sumala pa wala na kini tarong nga higdaanan, dili na makaligo ug wala na usab tarong nga pagkaon hinungdan nga maoy nagapahatag ug tumang kahasol ngadto kanila.
Dugang pa niini nga dili unta mamahimong sirad-an ang panghunahuna sa maong Presidente aron lamang sa pagdakop kang Pastor Apollo Quiboloy.
