Gihagit ni Senador Ronald Bato dela Rosa ang Quad comm sa Kamara nga magpasaka na kini og kaso batok kaniya, kung aduna kini matud pa mga nakuha na nga ebidensya labot sa padayon niining ginahisgutan nga war on drugs ni kanhi Pangulong Rodrigo Duterte.
Nahimo ni Dela Rosa ang maong hagit niini, human nga mipalag kini ngadto kang Antipolo 2nd District Rep. Romeo Acop, diin gikanayong nangbudol lamang matud pa ang kanhing administrasyon ni Duterte kaniadto, labot sa pagpakgang sumala pa sa iligal nga droga kaniadto.
Dugang pa ni Acop nga inay batokan kining mga iligal nga droga, nahimo na sab sumala pa nga ginaprotektahan sa kanhing administrasyon ang mga miyembro sa drug syndicates.
Gitubag sab kini ni Dela Rosa nga wala sumala pay pamatasan si Acop, diin dili kini angayan nga tagaan og pagrespito, gumikan wala sab matud pa kini respito ngadto kaniya, gumikan kung kahinumduman nga gitawag kini ni Acop si Bato nga undangon na pagtago sa maong senador sa palda sa Bise Presidente.
