DAVAO CITY – Gipasabot ni Sen. Ronald “Bato” dela Rosa nga wala sumala pay angayan nga kabalak-an ang publiko kalabot sa giduso Anti-Terrorism bill diin siya ang co-author niini.
Kahinumduman nga daghanan ang nagpadayag kabalaka gumikan kay malapas sumala pa sa maong balaudnon ang tawhanong katungod sa matag usa.
Apan gipasalig sa opisyal nga walay mahitabong pagpangabuso sa maong balaud inay gimugna lamang kini aron nga gukdon kadtong mga nalambigit sa terorismo o nahimong bahad sa seguridad sa nasod.
Dugang ni Sen. dela Rosa nga dili sakop sa maong balaod ang pagsikop sa mga nagapahigayon ug lihok protesta o adunay mga adbokasiya nga nagpadayag ug mga dili pag-uyon sa gobyerno.
Gi-awhag sab sa opisyal ang publiko nga basahon ug sabton pag-ayo ang balaod ayha magpasibaw sa mga kadismaya tungod sa pagpalabang niini.
Gani aduna sumala pay ipahigayon nga mga aktibidad aron nga mas mapasabot kini pag-ayo ngadto sa katawhan.
