DAVAO CITY – Gipahibalo ang mga residente sa Davao region nga kinahanglan nga tumanon ang gipagulang RIATF-RTF XI Resolution nga magsilbing giya dungan sa gipatuman nga “Semi-Closed border” sa Davao region.
Kahinumduman nga hingpit na kini nga gipagula kagahapong adlawa apan gibutyag sa Department of the Interior and Local Government (DILG)-11 nga ang matag Local Government Unit (LGU) sa rehiyon na ang bahala kung kanus-a nila kini ipatuman sa ilang mga lugar.
Unod sa resolusyon nga mga mahinungdanon lamang nga lakaw ang tugtan nga makasulod sa rehiyon kini aron nga mapugngan ang pagsaka sa kaso sa Covid-19 ingon man dili makasulod ang mga bag-ong variant sa kagaw.
Tugtan lamang kadtong mga Authorize Persons Outside of Residence (APOR), mga frontliners, mga opisyal ingon man empleyado nga adunay gihuptan nga official travel ug kinahanglan nga nahasubay sa iyang trabaho ang iyang biyahe; humanitarian assistance actors (HAAs) sama na lamang sa emerhensiya o adunay dad-on sa hospital aron nga magpatambal; mopalit ug tambal, medical supplies, mga indibidwal nga adunay trabaho o negosyo, public utility vehicle operators, mga mopauli og moadto sa aiport.
Kadtong nga nahisakop sa gitawag nga APOR kinahanglan lamang nga mo-presenta ug IDs.
Sa mga indibidwal nga makonsidera nga ‘returning residents’ nga non-APOR kinahanglan nga magpakita kini ug ID, proof of residence ug negative RT-PCR test results nga dili molampas sa 72-oras.
Samtang ang mga LGU diin nanimuyo ang usa ka OFW ang mosundo niini sa higayon nga mouli sa ilang lugar.
Wala sumala pay problema kung aduna kini kaugalingon nga sakyanan apan kinahanglan nga magsuot ug personal protective equipment ang driver nga magmaneho niini.
Kung mahinungdanon ang lakaw kinahanglan nga mo-presenta ug gikinahanglan nga mga dokumento.
