Nakasinati og pagbaha ang Panacan Public Cemetery human kini sa sagunson nga pagbundak sa ulan dinhi sa dakbayan.
Sa pag panubay sa atong kaubanan sa bombo patrol sa situation sa maong sementeryo, dinhi nakita nga aduna nay mga pansyon ang nalubog na sa tubig, gani ang uban niini dli na gyud maadtoan sa ilang mga pamilya gumikan usab kana sa kasamtangan situation sa maong tubig baha.
Gani sumala pa sa mga pamilya nga naga bisita dinhi, naanad na sila sa maong baha gumikan, mag dekada na sumala pa nga kanunay na sila maka sinati og ing ani nga baha ingon man dili nani bago sa ilaha ang situation sa maong menteryo.
Samtang, sa eklusibong pakighinabi usab nato kang Michael Abellar, personahe gikan sa City Economics Enterprises, gibutyag niini nga ang maong menteryo ipa ilawom kini sa rehabilitation diin maoy nag unang hinungdan kung ngano ginapasuyopan na lamang kini og pump sa matag higayon nga adunay taas na nga level sa tubig baha.
Dugang pa niini, wala na nagadawat pa ang maong menteryo ug bago nga ilubong ingon man alang na lamamg kini sa renewal ug pagtransfer kon ibalhin ang patayng lawas sa laing menteryo.
Bisan paman nga wala na sila gadawat og bagong ilubong, naga padayon gihapon kini nga gina atiman sa lokal nga panggamhanan lakip na usab ang Brgy. Panacan alang usab sa mga pamilya nga kanunay nga gabisita sa ilang mahal sa kinabuhi nga anaa nahiluna dinhing dapita.
Gani, isip lakang usab sa lokal nga panggamhanan, pinagi usab sa tabang CDRRMO XI, ilaha kining ginapahubsan pinaagi sa industrial submersible pump aron usab makatabang ngadto sa mga pamilya nga bout muduaw sa ilang mahal sa kinabuhi ilabi na karung adlaw sa undas kon kalag-kalag.
Sa pagka karun, ginapaabot na lamang sumala pa ang budget ani, aron masugdan na usab ang rehabilitation sa panacan public cemetery.
