DAVAO CITY – Gitataw ni Maning Duran sa grupong Southeastern Mindanao Diversified Drivers and Operators Cooperative (SEMDDOC) nga ang pagsuporta nila sa transport strike karong adlawa sa gipahigayon nga strike mao ang pagpadayag nila sa ilang kabalaka sa mamahimong dangatan sa mga operators nga dili gayud makatigum ug pundo aron nga ipalit sa P1.6 hangtud P1.8 nga kantidad sa matag unit sa modern nga matang sa transportasyon.
Sumala pa kang Duran nga gikalimtan sa mga nagtuon sa transport modernization nga ilakip ang tradisyon hinongdan nga nahimong komplikado ug daghan ang mga mipakita ug pagsupak.
Igo lamang sumala pa nga gisundog sa mga nahisgutan ang gihimo sa nasod Singapore ug nahikalimtan nga dinhi sa nasod ang Jeepney ang giilang hari sa kadalanan.
Panghinaut na lamang karon sa SEMDDOC nga ang ilang pagsupak marehistro sa kagamhanan.
