DAVAO CITY – Grabe nga selos ang usa sa anggulong gisubay karon sa otoridad nganong napatay sa amahan ang iyang duruha ka mga anak ayha sab kini nagpakamatay.
Una niini nakurat ang mga residente sa Barangay 39-D nga nahimutang likod nga bahin sa Almendras gym human nga nakita na lamang nila nga wala nay kinabuhi ang duruha mga batya nga gidunggan sa ilang amahan sulos mismo sa ilang gi-arkilahan nga apartment sa maong dapit.
Una ng nakila ang biktima nga sila si Nessa Mae Aragon, 9 anyos ug igsuon niini nga si John Victor Aragon, 7 anyos.
Samtang ang suspek nga amahan sa mga nahisgutan ang naila nga si si Fajarito Aragon, 57 anyos, usa ka trisikad driver kansa nagpakamatay sab human ang iyang nahimong krimen.
Sa inisyal nga imbestigasyon sa kapulisan, posibleng sinakal muna o gilumsan sa suspek ang iyang duruha ka mga anak ayha kini nagdunggab sa iyang kaugalingon.
Nasayran nga usa ka bulan ng gibiyaan ang suspek sa iyang asawa nga nailang si Bernamie Dalangin, 34 anyos, nga anaa sa General Santos City gumikan kay ginapasakitan kini sa suspek.
Gikanayon ni Amalia Ganzan, apohan sa mga biktima nga sa milabay nga Huwebes dihang ilang gireklamo ang suspek sa otoridad human nga misumbong kini kaniya ug naghilak nga pamatyon matud pa sila sa iyang amahan.
Gisulayan pa niya nga kuhaon ang mga bata apan wala kini gihatag ni Fajarito hangtud nga nahitabo ang krimen.
Samtang ayha nahitabo ang pagpatay, adunay nakasulat sa bongbong sulod sa ilang panimalay nga nagkanayon nagselos ang suspek sa post sa iyang asawa sa facebook ug dili sab sumala pa kini mutubag kung tawagan sa iyang cellphone.
Nagpadayon karon ang gipahigayon nga imbestigasyon sa otoridad sa nahisgutan nga krimen.
