Nangayo ug pasaylo si self-confessed drug lord Kerwin Espinosa ngadto kang kanhing Senadora Leila De Lima gumikan sa pagduot niini sa illegal drug trade sa nasud.
Gibuhat kini ni Espinosa, atol sa iyahang pag atubang sa pagdungog sa House Quad Committee labot sa mga kaso sa extrajudicial killings (EJKs).
Sumala pa ni Espinosa, nga unta mapasayla pa kini ni de Lima, gumikan nahimo lamang matud pa siya sauna nga uto-uto, diin adunay mipugos sumala pa sa iyaha nga ilambigit sa iligal nga droga ang kanhing Senadora nga sa tinuod, wala kini kamatuoran.
Gibutyag sab ni Kerwin labot sa usa ka hulagway diin kauban niya si de Lima, sumala pa ni Espinosa nga naatulan lamang nga misuroy ang iyahang pamilya sa Baybay ug nagkita sumala pa sila ni de Lima didto ug nagpahulagway, diin maoy gibuhat usab kining ebedensya aron nga madut-an si de Lima.
Kahinumdumang na bilanggo kini si kanhing Senadora de Lima gumikan sa 3 counts sa mga drug-related cases, diin gibasura kini sa Muntinlupa Regional Trial Court.
Sa laing bahin, atol sa pag atubang ni Kerwin Espinosa sa Quad Comm, giangkon niini nga gipahimangnuhan sumala pa kini siya sa iyahang amahan nga si kanhing Mayor Rolando Espinosa nga dili kini muuli sa nasud gumikan nabatian sumala pa niini nga adunay dautang mahitabo sa iyaha.
Gikumpirma usab sa PDEA nga ang mag-amahang Espinosa maoy lakip sa drug-list sa maong ahensya.
