Gipusil ang self-confessed drug lord nga si Rolan ‘Kerwin’ Espinosa kagahapong adlawa, adlaw nga huwebes, samtang kini ang namulong sa iyahang kampanya sa Barangay Tinag-an, Albuera, Leyte.
Matod pa nagtapok ang kinatibuk-ang slate ni Espinosa sa usa ka covered court kauban ang mga residente sa barangay sa dihang nahitabo ang pagpamusil kaniya.
Gidala sa Ormoc Doctor Hospital si Espinosa lakip na ang usa ka menor edad nga nadamay sa nahisgutang panghitabo.
Sa karun, padayon pang nagpaalim ang maong kandidato sa balay tambalanan, samtang gisugdan na sab karun sa mga otoridad nga maglusad og lawom nga imbestigasyon labot sa maong insidente.
Kahinumdumang usa si Kerwin Espinosa ang mibulgar kaniadto kang kanhing Senadora Leila De Lima nga aduna matud pay ginalutong shabo sulod sa Bilibid. Apan, gibawi ra usab ang iyahang nahimong mga testimonya kaniadto batok kang De Lima, lakip na sab ang pag-angkon niini nga siya usa ka Drug Lord, sa dihang mikanaog na si kanhi Pangulong Rodrigo Duterte isip pagkapangulo.
