Gihugtan na ang gipatuman nga seguridad sa US Capitol pipila ka oras ayha ang ulahing adlaw sa piniliay alang sa 2024 US Presidential elections.
Kalabot niini, nag install og taas nga koral sa Capital City nga Washington, DC.
Giorganisa na usab ang mga election watch parties sa tibuok estado.
Una nang nakaboto ang anaa sa kapin 77 milyon nga residenteng botante sa Amerika sa early voting pinaagi sa mail samtang ang uban usab ang miboto in-person.
Samtang, gilauman usab na mahimong makasaysayanon ang piniliay sa Amerika karong tuiga og kinsa man ang mudaug tali sa 2 ka presidential candidates nga sila US VP Kamala Harris ug kanhing US President Donald Trump.
Og si Harris ang modaog, siya ang unang babaye nga mahimong Presidente sa kasaysayan sa Amerika.
Siya usab ang mamahimong unang Black nga babaye sa South Asian nga kaliwat nga maghupot sa pinakataas nga posisyon sa White House.
Og mapili pag-usab si Trump isip Presidente, kini usa ka talagsaon nga mahitabo sa kasaysayan gumikan mamahimong siya ang unang Presidente sa America nga na-convict sa felony.
Kahinumduman nga napamatud-ang guilty ang kanhing Pangulo sa 34 ka ihap sa felony alang sa hush money case, 5 ka buwan na ang nakalabay.
Kasamtangan usab nga naga-atubang si Trump og uban pang felony charges sa 2 ka managlahing mga criminal cases.
