DAVAO CITY – Gipahugtan pa karon sa otoridad ang pagpatuman ug seguridad sa pipila ka mga simbahan sa siyudad nga adunay aktibidad karong semana santa hangtud sa adlaw nga dominggo human ang ulahing insidente sa pagpamomba duol sa simbahan sa Jose Lim Street, Barangay Mother Bagua sa Cotabato City bandang alas 6:10 kagabie diin duruha ang natalang samaran.
Wala gipadaplin sa otoridad ang posilibidad nga magpahimulos sab ang mga dautang elemento dinhi sa dakbayan hinungdan nga alerto karon ang mga sakop sa otoridad sa pagbantay sa mga checkpoint partikular na sa entrada nga bahin sa siyudad ingon man pagpatrolya sa mga kadalanan ug kadagatan aron masiguro nga dili makalusot ang mga dautang elemento.
Nagpatuman karon ug hugtanon nga pagrikisa ang otoridad sa mga dalang butang sa mga motorista nga gikan sa mga kasakbit nga rehiyon.
