Pormal nga gimando-an ni Philippine National Police (PNP) Chief Gen. Jose Melencio C. Nartatez, Jr. ang tanang police commanders sa nasud nga makiglambigit sa mga hingtungdang ahensya aron maseguro ang seguridad sa nagkaduol nga pagpanghatag sa fuel subsidy.
Gipakanaog sa hepe sa kapulisan ang direktiba, homan gipahibalo sa Department of Transportation (DOTr) nga pagasugdan na sa mosunod nga semana ang pagpanghatag sa P5,000 nga hinabang pinansyal.
Unang makadawat niini, ang mga tricycle drivers sa Metro Manila ug pagasundan sa uban pang public utility vehicle (PUV) drivers ug operators paubos sa mga probinsya.
Gipatuman ang maong lakang sa gobyerno gumikan sa padayong pagsaka sa presyo sa mga produktong petrolyo gumikan sa nagkagrabe nga kagubot sa Middle East.
