DAVAO CITY – Mas pahugtan na karon sa otoridad ang pagpatuman ug seguridad sa mga resorts ug uban pang tourist destinations aron nga masiguro nga dili maka-atraka ang mga lawless armed groups ug pabilin nga ma-protekatan ang mga turista.
Matud pa kang Senior Superintendent Alexander Tagum, Davao City Police Office (DCPO) city director, hugtanon sila nga nakiglambigit karon sa Public Safety and Security Command Center (PSSCC) ug Central 911 aron masiguro nga mapatuman ang maximum deployment sa life guards ug responders sa tanan nga mga tourist destinations sa rehiyon.
Tipik lamang sab ang pahayag sa opisyal human ang nahitabong engkuwentro tali sa tropa sa kagamhanan ug mga rebelde sa Cateel, Davao Oriental niining milabay nga adlaw.
Kalakip sab sa ilang imonitor ang mga kadagatan ilabi na nga usa sumala pa 1 year old nga bata ang nalumos sa usa ka iladong resort sa Mati City, Davao Oriental.
Samtang gibutyag sab ni DCPO spokesperson Police Senior Inspector Ma. Teresita Gaspan nga gawas sa mga beaches ug tourist spots, pahugtan sab nila ang police visibility sa mga lugar nga dagsaon ug mga tawo sama sa bus terminals, airports ug seaports.
Nagpahimutang na sab sila karon ug designated assistance desk o static stations alang sa publiko aron nga dali na lamang pagpangayo ug assistance ug dali nga makaresponde ang otoridad ilabi na panahon sa emerhensiya.
