DAVAO CITY – Subling gipatuman sa mga tinugyanan sa balaod ang heightened security measures alang sa Association of Southeast Asian Nation (Asean) activities nga gikatakda sa dakbayan sa Davao ug ang kalabot sa all-out war declaration sa kagamhanan batok ngadto sa mga lawless armed groups.
Kahinumduman nga gi-undang sa kagamhanan ang ug sa Communist Party of the Philippines (CPP) ang panaghinabing pangkalinaw ug giwagtang ang gipatuman nga unilateral ceasefire sa duha ka bahin.
Kini sa bang rason nga ang security forces mi-upgrade sa ilang monitoring aron nga masanta ang bisan unsa man nga teroristang pagpangatake sa mga kaaway sa kagamhanan.
Human sa malampuson nga pag-host sa sayon nga Asean event sa SMX Convention Center, masaligon karon ang mga tinugyanan sa balaod nga subli silang magmalampuson sa paghimong luwas sa mosunod pa nga dagku nga mga kalihukan sa dakbayan sa Davao.
Sumala pa kang Police Regional Office (PRO)-Davao Region spokesperson chief inspector Andrea dela Cerna nga mokabat ngadto sa tres mil ka mga hini-usa nga pwersa nga naggikan sa Philippine National Police (PNP), Armed Forces of the Philippines (AFP), emergency responders, ug uban pa nga mga ahensya sa kagamhanan ang gipahimutang sa nagkada-iya nga bahin sa dakbayan sa Davao alang sa kaluwasan sa tanan.
