Naka-high alert karon ang tanang law enforcement agencies sa Davao Region samtang naglusad og komprehensibong security sweep sa mga simbahan, tourist spots, ug coastal resorts sa dili pa magsugod ang pag-obserbar sa Holy Week.
Sa usa ka press briefing kagahapong adlawa, gibutyag ni Police Major Catherine Dela Rey nga ang regional command nagtinguha og “zero incident” atol sa maong kalihukan.
Gikumpirma sa nahisgutang opisyal nga ang deployment sa mga personahe dili lamang limitado sa urban centers, kundili moabot usab kini sa mga lagyo nga tourist destinations sa rehiyon.
Sumala pa nga aron masuportahan ang regular police force, aktibong nakigtambayayong ang Police Regional Office XI sa mga barangay tanod aron mapadaghan ang pagpatrolya sa residential ug sa giisip nga high-traffic nga mga lugar.
Sumala pa ni Dela Rey, nga kini nagpasabot sa proactive nga pamaagi batok sa kriminalidad atol sa taas nga holiday break.
Samtang dinhi sa dakbayan, ang Davao City Police Office nag-andam na sa pagdagsa sa mga deboto sa mga mga simbahan.
Gibutyag ni Captain Hazel Caballero nga gi-finalize na ang security details alang sa 56 ka mga simbahan dinhi sa syudad.
Masinati-an usab ang presensya sa kapulisan sa mga recreational areas aron masiguro ang kaluwasan sa tanan atol sa semana santa.
