DAVAO CITY – Andam na matud pa ang mga security unit sa hingpit nga pagtapos sa pagpatuman sa balaud militar dinhi sa dakbayan nga hangtud na lamang karong Disyembre 31.
Sumala pa kang Capt. Jerry Lamosao, tigpamaba sa 10th Infantry Division (ID) Philippine Army nga ayha ang hingpit nga pagtapos sa balaud military, andam na matud pa ang kasundalohan nga magpatuman og hugtanon nga seguridad aron nga mapugngan ang mga dautan nga plano sa mga nagkadaiyang armadong grupo ug terorista.
Padayon sab sumala pa sila nga makiglambigit sa Local Government Unit (LGUs) sa Davao region aron masiguro ang kahusay ug kalinaw pinaagi sa Peace and order Council.
Samtang sa bahin sa Police Regional Office (PRO) 11, gibutyag sa ilang tigpamaba nga si Police Major Jason Baria, nga magdepende na lamang sa mga regional director ang pagpatuman og alerto sa ilang tagsa-tagsa ka mga Area of Responsibility (AOR) depende sa sitwasyon sa ilang lugar.
