DAVAO CITY – Giplastar na sa Public Safety and Security Office (PSSO) sa Davao City ang pagatumanong security plan alang sa Kadayawan Festival karong Agosto ning tuiga.
Tungod niini, gi-reschedule ang Indak-Indak street dancing competition gikan sa naandan nga morning slot ngadto sa hapon.
Giandam ang plano sukad pa sa Mayo, ug naghatag ang City Tourism Operations Office og inisyal nga kalendaryo sa mga kalihokan sa Kadayawan.
Gipamahayag ni PSSO chief Angel Sumagaysay nga ila nang giandam ang security plan sukad niadtong Mayo.
Sumala pa, ipasibo ang maong plano alang sa pang-hapon nga pagpahigayon sa Indak-Indak sa Kadayawan, ug ang panginahanglan sa pagsusi sa mga suga sa kadalanan, ilabi na niadtong anaa sa Rizal Park, aron masiguro ang saktong pagpaandar.
Gihatagan og gibug-aton sa hepe sa PSSO nga ang maayo nga pag-andar sa mga suga sa kadalanan makapahimo sa mga mananan-away nga hingpit nga malingaw atol sa kasaulogan.
Andam ang mga uniformed units sa paghatag og seguridad sa mga Dabawenyo ug mga bisita, ug gikinahanglan ang suporta sa komunidad alang sa malampusong mga kalihokan sa Kadayawan sa Davao City karong tuiga.
via || Bombo LJF
