DAVAO CITY – Mga sakop sa Section Committee 20 ubos sa Southern Mindanao Regional Command sa New people’s Army nga gikasangka sa mga sakop sa 67th Infantry Battalion Philippine Army sa dihang gisulong ang ilang detachment dapit sa Aliwagwag Falls, sa Cateel, Davao Oriental.
Baynte ka mga NPA ang misulong sa detachment alas 4:30 kagahapon sa kaadlawon, samtang lain pang baynte ang nagsilbi nga mga blocking force.
Nasayran nga duha ka mga NPA ang patay ug gipangdala sa mga kaubanan, samtang lain pang uban ang mga angol.
Kahinumduman nga mga usa ka oras ang binaylo-ay sa mga bala tali sa tropa sa kagamhanan ug sa mga rebeldeng NPA. Hurot-hurot na ang bala sa tropa ug mi-reposition alang sa ilang depensa.
Samdon sa engkwentro si Corporal Tambis ug nakuha-an ug M14 rifle ang off duty nga CAFGU ug usa ka commercial handheld radio.
Atol sa hot pursuit operation naka-recover ang kasundalohan ug M14 rifle ug magazine nga loaded ug dese nueve ka mga bala ug usa ka parisan sa botas.
