Gi-angkon sa Department of Justice (DOJ) nga adunay mga unreported incidents sa kidnapping sa mga Filipino-Chinese nga kasamtangang ani-a sa nasud. Kini ang gibutyag sa nahisgutang ahensya homan sa ilahang pag-imbestiga sa pag-kidnap ug pagpatay sa usa ka negosyante nga si Anson Que.
Gipahayag ni Department of Justice Secretary Jesus Crispin Remulla, dili ikalimod nga adunay ubang kaso sa kidnapping sa mga filipino-chinese nga wala pa nasayran sa publiko. Kini gumikan usab sa trust issue sa pipila sa gobyerno sa nasud, hinungdan nga mas gipili na lamang nila nga dili mosumbong ug itago ang panghitabo.
Apan gisupak kini sa sekretaryo gumikan kay nagtuo si Justice Secretary Remulla nga kung magpadayon ang kawad-on sa pagsalig sa pipila sa gobyerno, dili mahatagan ug kasulbaran ang krimen sa kidnapping. Gumikan niini, plano nila nga makiglambigit sa Supreme Court aron magbutang ug special court alang lamang niini.
Gihimo usab nila ang tanan aron mahatagan ug kasulbaran ang mga kidnapping sa nasud, lakip na ang pakighinabi sa mga Filipino-Chinese gumikan kay dili lamang kini national security issues ug hulga usab kini sa ekonomiya sa nasud.
