DAVAO CITY – Nagpagawas og advisory ang Securities and Exchange Commission batok sa kumpanyang Davao Prime Summit Frozen Products Trading nga gipanag-iyahan sa nga gikatahong nalambigit sa usa ka scam pinaagi sa pagpromtar ug pag-aghat og mga myembro sa social media.
Sumala pa sa buhatan, nagtanyag ang kumpanya og “Profit Share Program” nga mag-dani sa mga myembro nga mamuhunan gikan P10,000 hangtud P500,000, ug nagsaad nga mukita og 120% sulod lamang sa 6 months lock in period, o katugbang ang 20% nga kitaan kada bulan.
Dugang pa, usa kini ka matang sa scheme nga ginatawag na “Ponzi Scheme” nga nagagamit sa mga kwarta sa mga bag-ong investors isip pambayad sa ilang “fake profits”, nga gidisenyo sab aron makalamang ang mga top investors ug mabutang sa alanganin ang kwarta sa mga mag-invest kon ugaling walay miabot nga mga bag-ong investors.
Nagpahimangno ang SEC sa publiko nga papanubagon sa balaod ang mga nagpailang empleyado o sakop sa Davao Prime Summit Frozen Products Trading lakip na sa mga dunay koneksyon sa ilang CEO ug Founder nga si Tom Cano Casas.
Giabisuhan ang tanan nga dili mamuhunan o ihunong ang pagpamuhunan sa nasangpit nga kumpanya gumikan sa posibleng risgo nga atubangon sa mga magpamyembro niini.
via || Bombo LJF
