Gibirahan ni Executive Secretary Lucas Bersamin si kanhi Pangulong Rodrigo Duterte, labot sa nahimong pamahayag niini nga ang kasundalohan lamang ang adunay kagahom nga ma-correct ang gikaingong “heavily fractured government” ilawom sa administrasyon ni Marcos.
Samtang gitawag sab niining garapalan ang nahimong panawagan nga mag kudeta ang Armed Forced of the Philippines batok sa Administrasyon Marcos ug talikdan niini ang gisumpaan niining buluhaton isip independyenteng han-ay sa gobyerno.
Samtang sa laing bahin, laraw matud pa ni Office of the Presidential Adviser on Poverty Alleviation Secretary Larry Gadon nga magduso og disbarment case batok kang Vice President Sara Duterte human sa pagpanghulga niini sa pangulo, First Lady Liza Marcos ug House Speaker Martin Romualdez.
Sumala pa ni Gadon nga milapas matud pa ang ikaduhang pangulo sa natad sa ‘professional ethics’ isip usa ka abogado.
Sa gipahigayong video conference niadtong milabay nga adlawng Sabado, Nobyembre 23 ning tuiga, dako matud pa ang nahimong kalapasan sa pangulo gumikan wala lamang kini mibahad, apan namalikas pa kini atubangon sa publiko.
Karong adlawa gikatakdang iduso ni Gadon ang maong petisyon sa Korte Suprema.
