Nagpadayag ug mensahe si DILG Secretary Benhur Abalos Jr. ngadto sa PRO XI kagahapong adlawa.
Lakip sa iyahang gihisgutan maong ang kabahin sa mga taga KOJC.
Sigon pa ni Abalos nga girespito matud pa niya ang katungod sa mga taga KOJC apan, kinahanglan matud pa nga panghingusgan nga mapatuman ang ‘rule of law’ diin mao kana ang natuman sa kapulisan pinaagi sa ilahang gipahigayong operasyon alang sa pagpangita kang kaniadtong nagtago-tago nga si Pastor Apollo Quiboloy.
Kagahapon usab gipahigayon ang paglingkod ni PBrig. General LEON VICTOR Z. ROSETE isip bag-ong Regional Director sa Police Regional Office 11, diin siya ang mihulip kang PBrig. General Nicolas Torre III.
Kagahapong adlawa usab, gipahigayon ang turnover ceremony nga gitambongan nila Department of Interior and Local Government Sec. Benjamin “Benhur” Abalos, Jr., ug ni PNP Chief ROMMEL FRANCISCO D. MARBIL.
Kabahin sa seremonya ang paghatag usab ug MEDALYA NG KATAPANGAN ngadto kang General Torre, diin gikalipay usab ni Torre ang maong pasidungog nga gihatag ngadto kaniya.
