DAVAO CITY – Duha na ang nakabsan sa kinabuhi sa nahitabong pagkaunlod sa usa ka panagatan nga adunay pangalan nga Genesis 2 sa kadagatan sa Bagangga, Davao Oriental pasado ala una ang takna sa miaging kaadlawon.
Sa nagpadayon nga Search and rescue operation alas 7:30 kaganihang buntag, ang mga crew sa L/B Obet 3 ang nakahaw-as sa patay nga lawas nga usa sa mga na-missing sa maong apanghitabo.
Apan wala pay gipaguwa, nga mga pangalan sa duha ka mga namatay.
Sa pagkakaron, anaa na lamang sa 7 ang missing ang ginapangiata karong panahuna.
Kahinumduman nga subay sa report gikan sa Philippine Coast Guard nga katunga nga bahin sa bangka nga panagatan ang naunlod nga maoy hinungdan sa pagkaunlod sab sa 14 ka mga crew.
Sumala pa sa kapitan sa bangka nga si Allan Donaire, nakasinati sila ug kalit nga pag-usab sa sitawasyon sa kadagatan, ug gumikan sa mga dagkong balod nga maoy hinungdan sa ilang pagka-unlod.
Nasayran nga dunay 24 ka mga sakay ang nasampit nga panagatan. Kabahin sa mga na-missing sila Delgem Tizon, Allan Donaire, Larry Dacillo, Jerry Pondias, Joy Ventura, Carlos Cabando, Alex Caballes ug Joselito Licias.
