-- ADVERTISEMENT --
DAVAO CITY – Gi-anunsyo sa Department of Education nga mahuman na karong adlawa ang School Year 2020-2021.
Nagpasabot sab kini nga mahuman na ang usa ka tibuok nga tuig sa online ug modular learning nga kasamtangang ginapatuman sa ahensya gumikan sa nasinatiang pandemya sa COVID-19.
Sumala kang Jenielito Dodong Atillo, tigpamaba sa DepED XI, nga bisan ang buhatan nanglisod sa pagpatuman sa bag-ong pamaagi sa pagtuon.
Apan, aduna usab silay nakat-onan kabahin niini nga magamit nila sa pagpalambo pa sa blended learning samtang dili pa ipahigayon og balik ang face-to-face learning.
Naghinaot usab sila nga sa musunod nga school year, mas hapsay na ang pagpatuman sa remote learning.
-- ADVERTISEMENT --
