DAVAO CITY – Giduaw ni Special Assistant to the President (SAP) Christopher ‘Bong’ Go ang haya sa pamilyang Pascual nga nangamatay human miulbo ang sunog sa ilang balay sa Buhangin, ning dakbayan sa Davao.
Kahinumduman nga bugtong si Pamela Pascual, 16 anyos lamang ang naluwas sa nahisgutan nga sunog niining milabay nga adlaw, Hulyo 23.
Ang biktimang si Pamela gi-atiman na lamang sa iyang mga apohan, samtang padayon pa nga gitambalan sa Southern Philippines Medical Center (SPMC).
Ang aide ni Pangulong Rodrigo Duterte mihatag ug hinabang financial sa pamilyang Pascual.
Misaad sab si Go nga mohatag ug medical assistance alang sa uban pa nga mga galastohan sa padayon nga pagpatambal kang Pamela.
Isip pagsimpatiya sa pamilya, gipasalig sab niya sa apohan sa biktima nga padayon sila nga mobayad sa galastohan sa hospital hangtud nga maayo si Pamela.
Isip dugang, si Go nakighinabi sab dayon kang Chief Leonard R. Bañago gikan sa Bureau of Fire Protection, aron nga mas hingusgan ang information drive kalabot sa Fire Safety Awareness sa katilingban, labi na sa mga residential areas.
Gisubli ni Go nga ang kahibalo sa katawhan sa preventive measures pinaagi sa fire precaution ug emergency plan makatabang nga kalikayan ang pagkakalas sa kinabuhi.
