Gibalibaran sa Sandiganbayan ang gipangayo ni kanhi Senador Ramon “Bong” Revilla Jr. nga maditene sa Philippine National Police (PNP) Custodial Center sa Camp Crame sa Quezon City.
Sa gipagawas nga resolusyon sa Sandiganbayan anti-graft court Third Division, nakabutang nga si Revilla ang angay magpabilin sa Quezon City Jail Male Dormitory sa Payatas sa gi-atubang niining mga kaso nga malversation through falsification of public documents sa mga matod pa ghost flood control projects sa Pandi, Bulacan.
Kahinumduman, nahisgutan ni Revilla ang posibleng hulga sa iyahang seguridad gumikan na usab sa mga nahitabong gang-related violence sa sulod sa bilanggo-an.
Apan subay sa resolusyon ug matod na usab sa prosecution, ang mga matod pa hulga sa seguridad ug potential harm ang pulos subay lamang sa mga espekulasyon ug mga estorya.
Nagpamatuod usab kuno niini ang nahimong pahayag ni Jail Supt. Maria Lourdes Pacion nga ang Quezon City Jail ang luwas, luag ug adunay mga insaktong specialized security measures alang sa mga high-profile detainees.
