DAVAO CITY – Plano karon sa lokal nga panggamhanan nga ideklarang maximum security zone ang San Pedro square ning dakbayan. Kahinumduman nga sa gipahigayon nga sa gipahigayon nga regular City Peace and order Council (CPOC) meeting usa sa mga nahisgutan ang pagpatuman maximum security zone sa may San Pedro St. diin ila ng ipatuman ang No parking zone duol sa simbahan.
Gimando na sab ni Davao City Mayor Inday Sara Duterte-Carpio nga momugna gilayon ug resolusyon sa maong kamandoan.
Nanawagan sab ang otoridad ngadto sa publiko nga boluntaryong motabang pinaagi sa paghatag ug mga impormasyon nga ilang nasayran ilabi na kung mohatud kini bahad sa seguridad dinhi sa dakbayan.
Gitambagan sab sa labaw sa Task Force Davao (TFD) nga si Constantino Yecla nga kinahanglan motamud sab ang mga organizers sa mga dagkong event nga ipatuman sa siyudad sa ipatuman nga mga security measures aron nga masiguro ang seguridad sa katawhan.
Hinuon gitambag ni Mayor Inday nga kinahanglan una nga magpahigayon ug committee hearing kalabot sa maong sugyot aron nga makuha sab ang suhestiyon sa mga event organizers.
