DAVAO CITY – Gibisita ni Pangulong Rodrigo Duterte ang samaron nga sundalo sa Metro Davao Medical Research Center (MDMRC).
Nakadawat sila si Private First Class Jestony C. Torifel, Pvt. Alex Agiaman, ug Cpl. Ray PJ S. Lagura sa 25th Infantry Battalion ug medalya ingon financial assistance.
Nasayran nga nasamdan ang mga nahisgutan human ang nahitabong engkuwentro sa New People’s Army (NPA) ug militar sa Monkayo, Compostela Valley sa milabay nga Sabado.
Mapasalamaton ang tropa sa kasundalohan gumikan kay gibisita sila sa Pangulo nga miadto gilayon kanila human ang pagpakighinabi sa mga militar sa Camp Bahian sa Malaybalay City, Bukidnon.
Sumala ni Lagura, misaad si Pangulong Duterte nga iyang abagahon ang tanan nga mga medical expense.
Nasayran nga nagbaton ug fractured ang suwang ni Lagura human nga na-igo sa shrapnels ug kinahanglan nga mopailalom kini sa surgery. Sama ni Lagura, kinahanglan sab ni Agiaman nga mopailalom sa critical surgery gumikan sa shrapnels nga nagpabilin sa iyang dughan.
Nasayran nga anaa sa ilang pagpatrolya ang mga nahisgutan dihang mibusikad ang gitanom nga landmine sa Barangay Mt. Diwata, Monkayo, Compostela Valley province.
Gikanayon ni Agiaman ang usa sa 11 ka mga sundalo nga samaran. Samtang si Torrefiel nga taga North Cotabato ang nakahi-agom ug lima ka samad kalakip na ang usa sa iyang liog. Nasayran nga ikaduha na niya kini nga pagdaway sa wounded personnel medal.
Ang pagbisita sumala pa kanila ni Pangulong Duterte ang nakapasaka sa ilang mga morale isip mga sundalo hinungdan nga ipadayon pa gihapon nila ang ilang pagpanerbisyo sa higayon nga makarekober.
