DAVAO CITY – Gi-anunsiyo ni Davao Del Norte Electric Cooperative Incorporated-National Electrification Authority (Daneco-NEA) nga mahinayon ang plano nga Samal Submarine Cable sulod karong tuiga.
Sumala pa kang Daneco-NEA chairman Mario Angelo Sotto, gisapinal na nila karon ang proyekto nga magpahimutang sa ilang substation sa Pantukan, Compostela Valley ug usa sa Island Garden City of Samal (Igacos).
Sa milabay nga report, tumong sumala pa sa underground cable system nga masolusyonan ang suliran sa kuryente sa isla.
Gani sagad sumala pa sa mga nanag-iya ug resorts ang apektado karon sa krisis sa kuryente.
Gikanayong ang submarine cable line adunay gitas-on nga 11.8 kilometers gikan sa Pantukan paingon sa Samal samtang ang overhead lines mosubay sa 3.8 kilometers ug pag-abot niini sa Samal adunay lain nga construction sa overhead lines paingon sa substation.
Gitataw ni sotto nga ang nahisgutan nga proyekto gibana-banaang nagkantidad ug P800 million ngadto na sa P1 billion. Plano nga ipatuman ang groundbreaking human ang ipahigayon nga midterm elections.
