DAVAO CITY – Lauman nga Toll free o walay bayaran ang mga muagi nga motorista sa gikatakdang ipatukod nga Samal Island-Davao City Connector Bridge Project.
Sumala kang Samal Mayor Al David Uy, ang loan agreement sa Framework sa design and build sa proyekto nga bag-o lamang gipirmahan sa China Government Financing Facility kay usa kini ka labing-importante alang sa katumanan sa proyekto.
Sa hisgutanang seguridad, wala nabalaka si Uy tungod nakaplastar na ang security measure sa pagtinabangay sa Philippine Navy, Maritime ug Tourist Police ug ang na-aprubahan nga budget alang sa kampo sa Philippine Navy sa Samal. Kon kahinumduman niadtong 13 ning bulana, gipirmahan sa chinese government ang maong agrement og mitanyag og kapin 350 million US dollars na concessional loan na maoy pundo o budget alang sa itukod na tulay.
 Sa hisgutanang seguridad, wala nabalaka si Uy tungod nakaplastar na ang security measure sa pagtinabangay sa Philippine Navy, Maritime ug Tourist Police ug ang na-aprubahan nga budget alang sa kampo sa Philippine Navy sa Samal.
Ang Davao to Samal Bridge maoy magsumpay sa Davao City og Island Garden City of Samal sa Davao del Norte nga muagi pinaagi sa Pakiputan Straight sa Davao Gulf, nga adunay 2-way, 4-lane og gilapdon na 3.86-kilometers.
Kung hingpit nga matapos ang proyekto, gilauman nga mapalambo niini ang connectivity tali sa Davao City og Samal Island nga maoy magpakusog sa turismo, mobility og transportasyon. Sa higayon nga magsugod ang konstruksyon sa tulay, gilauman usab nga dako ang matabang niini sa paghatag og mga trabaho alang sa economic recovery og pagpalambo sa people’s livelihood. Â
