DAVAO CITY – Gipasabot sa lokal nga kagamhanan sa Island Garden City of Samal (Igacos) nga bisan subli na nga gi-ablihan karon ang pipila ka mga beach resort sa isla, magpatuman pa gihapon sila ug hugtanon nga mga sumbanan.
Una ng gibutyag sa LGU sa Igacos nga abli na ang pipila ka mga beach resorts sugod kaniadtong Agosto 1. Apan gitino sa Igacos Inter-Agency Task Force on Covid-19 nga bugtong mga beach resorts nga adunay business permits ug Certificate of Authority to Operate gikan sa Department of Tourism (DOT) ang ilag tugutan.
Ang mga Walk-in guests dili tugutan gumikan kay mandato sa mga resorts nga magpatuman sa “No Booking, No QR Code, No Entry” policy.
Mandato sab ang local government nga magpatuman ug 50 percent operational capacity ug motamud sa minimum health protocols.
Samtang dili pa karon tugtan ang ecotourism activities sama sa island hopping, scuba diving ug trekking ug pabilin pa gihapon ang curfew hours sugod alas nuebe sa gabii hangtud na sa alas singko sa buntag ingon man ang 24-hour liquor ban.
Sukad sa milabay nga Hulyo 27, anaa pa lamang sa 30 ka mga resorts sa isla ang nakakuha ug Provisional Certificate gikan sa DOT.
