-- ADVERTISEMENT --
DAVAO CITY – Nahagsa ang prutasan sa usa ka stall human nahugmak ang usa ka bahin sa Panabo City Public Market sa Panabo City, Davao del Norte niadtong adlawng Sabado, Mayo 6, bandang alas-nuwebe sa buntag.
Sumala sa report, unom ka tawo ang nabulasot sa nabangag nga flooring sa maong merkado, apan upat lamang ang nagpadala sa duol lamang nga balay tambalanan.
Gipanubayan sa mga otoridad ang rason sa pagkahugmak sa maong bahin sa merkado, samtang gikordon na sab ang maong bahin aron dili na maagian sa mga mamalitay.
Nag-abiso si Mayor Jose Relampagos nga mag-evacuate na ang ubang pwesto alang sa kaluwasan sa mga manindahay ug pangitaan og bag-ong lugar kung asa sila hapsay nga makatinda sa ilang baligya.
via || Bombo LJF
-- ADVERTISEMENT --
