-- ADVERTISEMENT --
DAVAO CITY – Laing sakyanan pandagat nga dunay dalang kontrabando ang nakumpiska sa mga sakop sa Naval Forces Eastern Mindanao ning nilabayng adlaw.
Subay sa taho, nagpahigayon ang BRP Rafael Pargas ilawom sa Naval Task Force 71 og maritime patrol operations sa mga kadagatan sa Sarangani Province sa dihang ilang nasigpatan ang usa ka motorized banca nga M/B AL-AMANAH nga nagdala og anaa sa 280 ka mga master cases sa smuggled nga sigarilyo sakay niini ang unom ka mga Pilipino.
Anaa sa siyete milyones pesos ang kantidad sa mga nakumpiskang kaha sa mga sigarilyo.
Gidala na ang banca ug mga sakay niini sa RDEX Pier, Calumpang, General Santos City alang sa tukmang disposisyon ug gikustodiya sab sa Bureau of Customs ang mga kontrabando.
