DAVAO CITY – Sikop ang usa ka lalaking gikonsiderang Top 2 Drug Personality City Level atol sa gipahigayong buy-bust operation sa mga sakop sa Toril Police Station kagabii sa Brgy. Toril Proper, Toril ning syudad.
Giila ang dinakpan nga si alyas “SAKURAGI”, 24 anyos, adunay ka-ipon, usa ka merchandiser, ug residente sa Barangay 76-A ning syudad. Sikop ang nasangpit nga suspetsado human kining positibong napalitan sa usa ka pulis nga nagpaka arun-ingnong mamalitay og iligal nga druga.
Atol sa pagrikisa, nakuha gikan sa posisyon sa suspek ang lain pang mga pakete sa shabu nga adunay gimbug-aton nga 7.99 grams ug gibana-banaang kantidad nga muabot sa P127,000.
Gi konsidera si alyas “SAKURAGI” nga Top 2 Drug Personality City Level apan tingkagol na kini karon sa Toril Police Station ug napasakaan na og kasong paglapas sa R.A. 9165 o Comprehensive Dangerous Drugs Act of 2002.
Text by || Bombo Allianne Ferandos Silao
