DAVAO CITY – Gawas nga wala magdahom sa gipahigayon nga surprise drug test, nakurat sab ang mga sakop sa kapulisan ilang sa Davao City Police Office (DCPO) sa bag-ong pamaagi niini.
Kahinumduman nga diretso gipanghatagan ug plastic nga botelya ang mga sakop sa kapulisan partikular na ang mga miyembro sa Drug Enforcement Unit ug wala gipa-ihi sa banyo inay kilid lamang sa lawak apan gitabunan lamang ug podium.
Pinaagi niini mas makita sumala pa nga walay pagnikas sa drug test ug masayran kung si kinsa ang migamit ug ginadili nga droga. Hinuon susama sumala pa nga nag-negatibo ang resulta sa mga pulis diin nagpamatuod kini nga pabiling limpiyo ang ilang han-ay.
Nanganti sab si Police Senior Supt. Alexander Tagum, director sa DCPO nga wala nila gi-tolerate ang mga pulis nga malambigit sa illegal drugs ug ila gilayon nga pangtaktakon sa serbisyo ang nahisgutan sa higayon nga magpositibo.
