DAVAO CITY – Naglusad og “Sagip Bata Operation” ang Lokal nga Panggamhanan sa Panabo City, Davao del Norte sa pagpanguna ni Mayor Jose Relampagos pinaagi sa Panabo City Social Welfare Development Office inubanan sa PNP Panabo.
Naglibot-libot ang mga otoridad sa mga establusyementento ug ubang suruyanan sa syudad aron pag-monitor sa mga bata nga visible ma-rescue ug aron malikay sa posibleng mahitabo nga disgrasya sa kadalanan.
Gisugdan ang maong operasyon sa nakalabayg tuig atol sa implementasyon sa curfew hours sa mga menor de edad sugod alas diyes sa gabii.
Sumala pa ni Police Staff Sergeant Jovelyn Ungab, importante ang pagpahigayon og rescue operation aron mahipos ang mga kabatan-onan nga nag-edad og 17 anyos paubos nga naglatagaw sa kalsada labi na sa mga ngit-ngit nga bahin sa syudad alang sa ilang kaluwasan.
Gilayong gidala ang mga nadakpang mga menor sa mga shelter houses sa Panabo City, samtang magpahigayon og counselling and intervention ang mga sakop sa CSWDO ngadto sa mga ginikanan una pa ipagawas ang ilang mga anak gikan sa temporaryong pagdetine kanila.
via || Bombo LJF
