DAVAO CITY – Gilayon nga mihatag ug katin-awan ang opisyal sa Davao City Covid-19 Task Force nga gisuspende lamang karun sa lokal nga kagamhanan ang Safe Davao QR (DQR) sa expanded contact tracing apan ang mga establisyemento mamahimo pa gihapon nga mohimo ug mga lakang ilabi na kung sa tan-aw nila makatabang aron nga mapabilin nga luwas batok sa kagawa ang ilang mga kustomer ug empleyado.
Sumala pa kang Dr. Michelle Schlosser, tigpamaba sa Covid-19 Task Force, nga ang gipagula nga Section 3 sa Executive Order 11 Series of 2022 wala nagpasabot nga ihunong na ang tanan nga mga lakang nga makatabang sa pakigbatok sa Covid-19 partikular na sa contact tracing sa siyudad.
Gipasabot sa opisyal nga gisuspende lamang ang paggamit sa Safe Davao QR alang sa contact tracing ug wala sumala pa gibutyag nga i-suspende na sab ang traditional contact tracing sa mga indibidwal nga posibleng adunay nakahimamat nga nagpositibo sa Covid-19.
Nagpasabot kini nga dili na mandato ang pag-scan sa DQR sa higayon nga mosulod ug mugawas sa establisyemento.
Apan kung dili kini tangtangon sa mga private establishment, dili kini but-an sa kagamhanan sanglit kaugalingon na nila kini nga polisiya.
Gani gitino sab ni Schlosser nga pabilin karon nga gipatuman sa dakbayan ang contact tracers, ingon man ang Isolation and Quarantine protocol.
Gani mamahimong magamit pa gihapon ang Safe Davao QR sa uban nga pamaagi sama na lamang sa mga adunay plano nga magbakasyon
