DAVAO CITY – Daghanang mga aktibidad nga ipahigayon atol sa pagtagbo sa Chinese New year sa Huwebes, Pebrero 15 dinhi sa dakbayan.
Una ng gibutyag ni Jasper Huang, public relation officer sa Chinatown Development Council nga siguruhon nila nga sadya ang pagtagbo sa year of the dog ug aduna sab silay mga gihan-ay nga mga aktibidad nga dili pa nila mamahimo nga ibutyag.
Nanawagan sab kini sa mga dabawenyo nga makighiusa sa kasaulogan ilabi na nga abli kini dili lamang sa mga Chinese kung dili lakip na sa mga Filipino.
Samtang una na sab nga gibutyag ni Police Chief Inspector Ma. Theresita Gaspan, tigpamaba sa Davao City Police Office (DCPO) nga han-ay na ang contingency plan nga ilang ipatuman sa mga nakahan-ay nga mga aktibidad ug aduna sab silay augmentation gikan sa RPSB.
