Patay ang Russian Lieutenant General nga nailhan nga si Fanil Sarvarov human mibusikad ang usa ka bomba nga gibutang sa ilawom sa iyang sakyanan sa Moscow, sumala sa Russia’s Investigative Committee.
Si Sarvarov, 56 anyos, mao ang lider sa operational training department sa armed forces.
Gidudahan sa mga awtoridad gikan sa ilang imbestigasyon, posible adunay kalabotan ang pagpangilabot sa Ukrainian intelligence, apan wala pa’y opisyal nga pahayag gikan sa Ukraine.
Makita sa mga litrato gikan sa lugar ang usa ka puti nga sakyanan nga nadaut na ang mga purtahan, sulod sa usa ka parking lot duol sa apartment block sa maong lugar. Sa laing nasud, gisumite na sa mga awtoridad ang kaso batok sa murder ug illegal trafficking sa mga eksplosibo.
Nailhan si Sarvarov sa iyang combat operations atol sa Ossetian-Ingush conflict ug Chechen wars niadtong 1990s ug early 2000s.
Usa usab siya sa mga nangulo sa operasyon sa Syria niadtong 2015-2016.
Gipahibalo dayon si Russian President Vladimir Putin sa pagkamatay ni Sarvarov, sumala sa Kremlin.
Nabantayan usab nga sukad nagsugod ang full-scale invasion sa Ukraine sa Russia niadtong Pebrero 2022, pipila na ka opisyal sa militar ang nahimong target sa car bomb sa Moscow.
