Subling nagbahad ang Russia nga mugamit kini ug mas kusog nga military forces batok sa Ukraine, sa higayong ipadayon ang pagtabang sa US ug sa pipila ka mga kaalyadong nasud niini.
Gipahayag ni Russian foreign minister Sergei Ryabkov, wala pa hingpit nasagad ang presensya sa Russia sa nagpadayong pagsanib-pwersa sa pipila ka nasud sa Ukraine.
Gipagawas ang nahisgutang pahayag, homan sa pipila ka adlaw nga gipahibalo ni US President Joe Biden nga adunay dugang $725 milyon nga security assistance package nga ilahang ihatag sa Ukraine.
Tumong sa bag-ong hinabang, aron mapakusgan pa ang pwersa sa Ukraine batok sa Russia.
Aduna pay pipila ka semana ang US nga gamiton ang $7 bilyon nga mas dakong package nga gitugutan sa kongreso karong tuiga, aron tabangan ang Ukraine batok sa Russia nga nagsugod pa niadtong Pebrero 2022.
