DAVAO CITY – Ginatun-an na karon sa Regional Wages and Productivity Board (RTWPB)-Davao Region ang wage hike petitions sa rehiyon sumala sa opisyal sa National Economic and Development Authority 11 (NEDA 11).
Gikanayon ni Rosendo Aya-ay, chief economic specialist sa NEDA 11, nga usa sa duruha ka organisasyon ang miduso sa petition alang sa wage increase sa rehiyon mao ang Trade Union Congress of the Philippines (TUCP) nga miduso sa RTWPB-Davao Region ug petisyon nga himuong P418.00 ang daily minimum wage increase.
Sa milabay nga Abril 19, 2022, gipahigayon ang public hearings tali sa mga trabahante ug private establishments ingon man domestic workers.
Gani human sumala pa ang nahisgutan nga pagdungog, nagpahigayon gilayon ug meeting arun nga mapaminawan ang wage increase gumikan sa pipila ka mga factors nga gilangkuban sa kakabus ug ang nahimong kawad-on sa mga employees ug employers gumikan sa epekto nga gihatud sa Covid-19 pandemic.
Samtang gibutyag sab sa TUCP nga ang ulahi sumala pa nga petisyon nga ilang giduso alang sa Davao Region ang nahitabo kaniadtong Pebrero 2019.
Natala sab sa nahisgutan nga grupo ang taas nga poverty incidence sa rehiyon atol sa first-half sa 2021 kini base sa gipagula nga datus sa Philippine Statistics Authority (PSA).
Sa lima ka mga probinsiya sa rehiyon, ang poverty rate sa Davao Occidental ang anaa sa 31.7 percent, Davao Oriental- 24.5 percent, Davao de Oro-21.8 percent; Davao del Norte adunay 13.6 percent ug Davao del Sur, ug Davao City- 7.9 percent.
