DAVAO OCITY – Andam na ang Roxas Night Market sa subli nga pag-abli niini sa Marso 24 human ang duruha ka tuig nga pagpasira sa lokal nga kagamhanan gumikan sa bahad sa COVID-19.
Una ng gibutyag ni Paul Bermejo, head sa Ancillary Services Unit, nga adunay gipahigayon nga panaghisgot ang mga opsiyal sa lokal nga kagamhanan kalakip na ang city treasurer arun nga mapangandaman ang subli nga pag-abli sa night market.
Tipik lamang kini human nga gitangtang na ang tanan nga mga COVID-19 restrictions human ang pag-ubos sa surge sa Omicron sayo sa unang quarter niining kasamtangan nga tuig.
Sumala pa kang Bermejo nga ang dedicated bicycle lanes sa Roxas Avenue ang dili babagan sa mga vendors sa higayon nga subli na kini nga ablihan.
Kahinumduman nga anaa sa 500 ka mga vendors ug massage therapists azng nawad-an ug panginabuhian dihang nakadesisyon ang lokal nga kagamhanan nga pasirad-an ang night market kaniadtong Marso 12, 2020 kini arun malikayan ang transmission sa COVID-19.
Subli kini nga nag-abli pagsulod sa Setyembre 12 sa susama nga tuig apan gibalik pagpasara human ang duruha ka bulan human nga nasinatian ang surge niini atol sa third quarter sa nahisgutan nga tuig.
Gihan-ay na karon ang ipatuman nga seguridad ingon man ang pagsiguro nga matuman pa gihapon ang minimum health standard sa mga kustomer ug mga vendors niini.
