DAVAO CITY – Human ang usa ka tuig nga pagkasirado sa Roxas Night Market, gikabutyag ni Davao City Mayor Sara Duterte nga ginatun-an na sa karon sa City Economic Enterprise ang subling pag-abli niini.
Dugang niya, ipatuman gihapon ang minimum public health standards sa higayong hingpit na kining muabli og balik.
Anam-anam na usab nga naga-recover ang ekonomiya sa Dakbayan, human nga gipailalom kini sa mas luag nga Alert Level 3, diin daghanang mga industriya na ang tugutang mu-operate.
Wala pa usab gikabutyag sa Mayora kung mahinayon ang plano ug kung unsang petsa muabli og balik ang ginadayong Roxas Night Market.
Pahayag ni Davao City Mayor Sara Duterte-Carpio. Kamatikdan nga ginadayo sa mga Dabawenyo ug mga turista ang Roxas Night Market tungod sa klase-klaseng mga pagkaon nga mapalit sa baratong presyo.
Setyembre niadtong milabayng tuig kanus-a kini giablihan og balik human ang unom ka bulan nga restrictions ug lockdowns sa Dakbayan, apan Nobyembre usab sa susamang tuig kanus-a kini gisirado og balik gumikan sa makaalarmang pagtaas sa COVID-19 cases sa Dakbayan kaniadto.
