Gihagit ni House Speaker Martin Romualdez si Vice President Sara Duterte nga ipaklaro ug ipasabot og giunsa paggamit sa iyang buhatan ang P612.5 million pesos nga confidential funds sa Office of the Vice President (OVP) ug Department of Education (DepEd).
Kahinumdumang gibweltahan ni Romualdez si VP Duterte human nga mibahad kini nga ipapatay matud pa niini sila PBBM, First Lady Liza Marcos ug House Speaker Romualdez ug gikanayong kabalak-an matud pa ang pahayag niini, ingon man delikado rason nga makonsidera kining dili normal nga mga pulong ug direkta sab nga hulga sa demokrasya sa nasud, gobyerno lakip na seguridad sa Pilipinas.
Gidepensahan sab ni Romualdez ang Kamara batok sa pagpangatake ug breach of protocols nga gibuhat matud pa ni VP Duterte ug nanawagan sa mga kaubanan niining magbabalaod nga protektahan ang integrudad sa ilang institusyon.
Gani, wala matud pay basehan ang mga alegasyon ni Duterte nga palagpauton kini sa pwesto gumikan lamang sa ambisyon niining mahimong presidente sa tuig 2028 ug makonsidera sab matud pa nga desperado ang lakang niini aron lamang sa paglikay sa pagtubag sa tinuod nga isyu.
Kumbinsido sab si Romualdez nga ang walay basehang akusasyon ug pagpangdaot matud pa ni Duterte aron tabunan ang mga ebidensiya nga maoy yawe aron matubag ang pangutana og giunsa paggasto ang confidential fund sa OVP.
Gani, di matud pa optional ug iagi sa hangyo ang ‘transparency’ rason nga og kinsa man ang gitugyanan sa pondo sa nasud, angay nga manubag
